ШҚО-да «Таза Қазақстан» бағдарламасыаясында көшет егілді

​Өскемен қаласындағы Амфитеатр аумағында 100-ге жуық шырша мен терек отырғызылды. «Таза Қазақстан» бағдарламасы аясындағы шараға Шығыс Қазақстан облысының әкімі Нұрымбет Сақтағанов қатысты.

«Бұл бағдарламаның мақсаты — қоршаған ортаны таза ұстау ғана емес, халықты еңбекқорлыққа, экологиялық мәдениеттілікке баулу. Барша өңір жұртшылығын белсенді қатысып, өскелең ұрпақтың алдында еңбек пен тазалықтың мәртебесін көтеруге шақырамын», — деді аймақ басшысы.

 Айта кетейік, облыс бойынша осы жылдың басынан бері «Таза Қазақстан» бағдарламасы шеңберіндегі іс-шараларға 46,3 мыңнан астам адам қатысып, 231 техника жұмылдырылған. Соның нәтижесінде 3 509 тоннаға жуық қоқыс шығарылып, 2 208 аула тазартылды.

2025 жылға арналған көшет отырғызу жоспары — 115,5 мың ағашты құрайды. Бүгінгі күнге дейін жоспардың 66 пайызы орындалып, 75,6 мыңнан астам көшет егілген.

Тәттімбек Асханұлы

Халықаралық «Qazaqstan dauiri» газетінің

ШҚО бойынша меншікті тілшісі