Вакцина дінге қайшы келмейді

Сарысу ауданында Игілік ауылдық округі бойынша Игілік ауылдық “Шоқай датқа ” мешітінің имамы Қайрат Мошқалбаев жəне Өндіріс ауылдық “Жаманғара” мешітінің имамы Тəуекел Нұрманов дінге сенушілерді коронавирустан сақтануға шақырады.
Екінші жыл қатарынан бүкіл әлем коронавирус пандемиясының салдарынан қатаң шектеулер режимінде өмір сүруде, одан Қазақстан да зардап шекті.
Бүгінгі күні бұрынғы өмірге тез оралуға көмектесетін жалғыз құрал – вакцинация.
Соңғы кездері бұл процедура дінге қайшы келеді деген көптеген аңыздар пайда болды, бірақ олай емес. Вакцинация ешқандай жолмен оразаны бұзбайды, өйткені сұйықтық (зат) қанға ас қорыту жүйесі арқылы енбейді. Вакцинация денсаулықты сақтауға және басқаларды қорғауға көмектеседі. Дін бұған қарсы келмейді
Вакцина-бұл бактериялар мен вирустар сияқты микроорганизмдерден алынған және адам ағзасына жұқпалы аурулардың алдын алу және иммундық қасиеттерді арттыру үшін енгізілген препарат, бұл ағзаны энергиямен қамтамасыз ететін қажетті тамақ немесе витамин емес.
Осыған байланысты вакциналар (тері астына, бұлшықет ішіне, көктамыр ішіне енгізілсе)тіпті оразаны да бұзбайды дейді.

Сарысу ауданы