ҚОРДАЙДАҒЫ КӨКТЕМГІ ДАЛА ЖҰМЫСТАРЫ
Бүгін аудан басшысы ауылдық округтерде жұмыс сапарымен болды. Сапар мақсаты – көктемгі дала жұмыстарының барысымен танысу. Қазір диқандар жұмысқа бар күшін салып жатыр.
Ең алдымен Мәден Тоқтарбайұлы өзінің орынбасары Ж.Бақаев пен аудан әкімдігінің ауыл шаруашылығы бөлімінің басшысы Б.Садырбаевты ертіп «Мәжитов», «Медет» шаруа қожалықтарының егіс алқаптарын аралады.Аудан басшысы жұмыстардың қалай жүргізіліп жатқанын сұрады. Фермерлердің айтуынша, қазір көктемнің әр сағаты қымбат, сондықтан ауыл тұрғындары уақытты тиімді пайдалануы керек. Қолайлы уақытты жіберуге болмайды. «Мәжитов» ШҚ алқаптарында егіс жұмыстары қарқынды жүргізілуде. Биыл жалпы көлемі 200 тонна болатын «Одесса» және «Авалон» арпасының жаңа сорттары жеткізіледі. Бүгінгі таңда 100 га егілген.
«Медет» шаруа қожалығының жұмысшылары уақытқа қарамай жұмыс істейтіндері туралы айтты. Шаруашылықтағы егіс алқабының негізгі бөлігі жүгері мен арпа өсіруге бөлінген.
Шаруашылық басшысы алдағы жоспарлары мен түйткілді сәттерімен бөлісті.
Өз кезегінде аудан әкімі Мәден Тоқтарбайұлы шаруақожалық иелеріне әкімдік тарапынан қашанда қолдау болатынын айтып, жұмыстарына сәттілік тіледі.
ҚОРДАЙ АУДАНЫ