ҚЫРАҒЫЛЫҚ — СІЗДІҢ БАСТЫ ҚОРҒАНЫҢЫЗ!

Бүгінгі цифрлық заманда технологияның дамуы өмірімізді жеңілдеткенімен, заң мен тәртіпті аттап өткісі келетін қулықтардың да айласын арттыра түсуде.

ҚР Ішкі істер министрлігі мен Киберполиция департаменті соңғы уақытта алаяқтықтың өте қауіпті әрі жаңа түрі белең алғанын ресми түрде ескертуде.

Қазіргі таңда қаскөйлер күштік құрылымдар мен құқық қорғау органдары басшыларының аты-жөнін, тіпті фотосуреттерін пайдалана отырып, жалған аккаунттар арқылы хабарласып, азаматтарды алдауға көшкен.

Әділдіктің символы болған Заңның атын жамылып, сіздің сеніміңіз бен үрейіңізді оятқысы келетіндерге жол бермеңіз! Әрбір құқықтық мемлекеттің, әрбір саналы қоғамның басты қағидасы — Заң мен Тәртіп. Ал бұл қағиданы сақтау тек құқық қорғаушылардың ғана емес, әрқайсымыздың қырағылығымыздан басталады.

Өзіңізді және жақындарыңызды қалай қорғайсыз?

— Егер сізге қандай да бір лауазымды тұлғаның атынан күмәнді хабарлама келсе, міндетті түрде оның верификацияланған (ресми белгісі бар) парақша екенін немесе түпнұсқа тіркеулі аккаунт екенін бақылаңыз.

— Телефон арқылы немесе мессенджерлерде ешқашан құпия кодтарды, банк картасының деректерін және жеке мәліметтеріңізді бермеңіз.

— Елеңдемеңіз және ресми органдарға хабарласыңыз: Кез келген қорқыту немесе жедел ақша аудару туралы талаптарға байбалам салмай, бірден құқық қорғау органдарының ресми нөмірлеріне хабарласып, жағдайды анықтаңыз.

Заң бар жерде — тәртіп бар, тәртіп бар жерде — қауіпсіздік бар! Алаяқтардың құрығына түспей, әрдайым ақпаратты сүзгіден өткізіп отырайық. Қырағылық пен қауіпсіздікті серік етіп, өз құқығымызды бірге қорғайық!