ІСКЕР ӘКІМ – ҚАШАНДА ХАЛЫҚ ҚОЛДАУЫНА ИЕ

     Қанатбек Қайшыбекұлы қашанда өзінің кішілігін, еңбекқорлығын көрсете білді. Жалаң сөзбен тірлік өнбейді. «Келісіп пішкен тон келте болмас» деген сөз бар. Сондықтан әрқашан тұрғындар пікіріне құлақ асып, өзінің сөзге берік азамат екенін байқатқан Қанатбекті қазір көпшілік «Жігітте де жігіт бар, Азаматы бір бөлек»,-деп айтып жүр.

      Қай саланы алып қарамаңыз, өзі басшылық еткен ауданның бүкіл мәселесін жоғарыда қорғап, қолдап, уәдесін аяғына жеткізіп, Ер Ерлікке пара-пар үлкен іс атқарғанын көзіміз көрді.

       Жергілікті жердің мүддесін қорғауға келгенде темірдей тегеурін мен жүйелі тәртіпті шебер қолдана білді. Біздің елге де керегі де осындай қабілет-тін.

      «Билік дегеніміз – жұмсақ қолғап киген темір қол» деген герцог Чарльз V. Расында да, темірдей тәртіп болмаған жерде нәтиже де жоқ, оның үстіне бюджеттік жұмыстың айналасында.

      Кейде осындай жарты ғасырға татырлық жүкті жастайынан атқара білген қылыштай жастың қарқынына таң қаласыз. Ер айтпас, айтса, қайтпас деген. Ол сертін серік етті. Уәде мен намысты ту етті. Айтқан сөз атқарылған іспен дәлел болды.

            Алысты таразыға салып, болжамдай қарап, алдына бір жылдық емес, он жылдықтардың жоба-жоспарын құрып, тайға таңба басқандай мақсат қойды.

            Ел даналығы «Сен емес, сені іздесін» деген. Халық өзі сенген, сенімі мен көңілінен шыққан басшыны іздеуде. «Халық айтса, қалт айтпайды» деген. Көпшіліктің осындай тұжырым жасауы — оның қажымас қайраты мен елге деген сүйіспеншілігін, туған жерге деген перзенттік борышын адал атқарған азамат ретінде шынайы бағалау.

         Ердің сыншысы – елі деген. Қандай да басшының сөзі іспен дәлелденіп, сол әрекет-қимылдың нәтижесі ел көңілінен, жалпы қалың жұрттың ойынан шығып жатса ғана халықтың сеніміне ие болады.

        Даңққа тұлпар дүлдүлдігімен жетеді,

       Абырой мен атаққа азамат біліктілігімен жетеді. Сондай ел алғысы мен сеніміне бөленген азаматтың бірі де бірегейі Қанатбек Мәдібек.

       “Сүйер ұлың болса, сен сүй – сүйінерге жарар ол” деп ұлы Абай өсиет еткендей, қаншама жала мен қара күйе жағылса да туған жерін, елін, халқын сүйсінткен, алғаш басшылық жұмысты жастайынан бастаған ол, жас та болса бас болғанын ел мақтанышпен айтады.

       Қазір де ол мақтау мен мадаққа еш мұқтаж емес, бізсіз де оның атына әр тараптан ақ адал алғыс, жақсы лебіздер, жылы пікір айтушылар көп екені белгілі.

       Бүгінгі бұл жазбамның себебі көптің көңіліне сеніммен қуаныш ұялатқан Қанатбек Мәдібектің Талас ауданына әкім болғанына бір жыл болыпты. Осыған орай құтты жас болын! Еңбегіңіз елене берсін аға!,-демекпін.