БИЫЛ АҚТӨБЕ ОБЛЫСЫНДА 14 АУЫЛ ГАЗДАНДЫРЫЛАДЫ

Бүгінде Ақтөбе облысы орталықтандырылған сумен қамту жағынан Қазақстан бойынша өңірлер арасында үздік бестіктің қатарында. Көрсеткіш 96,2%-ды құрайды. Биыл құны 8,4 млрд. теңге болатын 28 жобаны жүзеге асыру жоспарланып отыр. Бұл жылдың қорытындысы бойынша облыс халқының 97,3%-н орталықтандырылған сумен қамтамасыз етуге мүмкіндік береді.

Бұл туралы Орталық коммуникациялар қызметінде өткен баспасөз мәслихатында Ақтөбе облысының әкімі Оңдасын Оразалин мәлімдеді.

— 2025 жылға қарай біз халықты ауыз сумен 100% қамтамасыз ету міндетін қойып отырмыз. Сонымен бірге қазіргі кезде облыс тұрғындарының 91,6%-ы газбен қамтамасыз етілген. Биыл газбен жабдықтау жобаларын іске асыруға 5,9 млрд. теңге қарастырылған. Нәтижесінде 14 ауылдың тұрғындары үшін көгілдір отын қол жетімді болады, бұл тұрғындардың газбен қамтылуын 92,6% -ға дейін арттырады, — деді Ақтөбе облысының әкімі