ДАУЫСЫҢДЫ ӨЗГЕРТ!

Орманда бір көгершін асығып ұшып келе жатқан үкіні көріп қалып сұрайды:

– Уа жол болсын, үкі! Қайдан келесің?

Үкі жауап береді:

– Оның несін сұрайсың, көгершін? Мен шығыста тұратын едім, енді батысқа ұшып барамын.

Осыны айтты да үкі ащы дауыспен қарқ-қарқ күліп жіберді.

Көгершін тағы сұрайды:

– Туған жеріңді тастап, бөтен жаққа бара жатқаның қалай, мәнісін айтпас па екенсіз?

Үкі айтады:

– Шығыста жұрттың бәрі мені жек көріп кетті! Бір-бірінің аузына түкіріп қойғандай, бәрінің айтатыны бір сөз: “Дауысың жаман!” дейді.

Сонда көгершін сәл ойланып тұрып былай депті:

– Қап, әттеген-ай! Сен бекер жер ауыстырған екенсің. Саған жерді емес, дауысыңды өзгерту керек еді. Шығыста да, батыста да қарқылдаған ащы дауысты кім жақтыра қойсын?..

📌 Өнеге:

Адам қайда барса да, ішкі мінезі өзгермесе, орнын ауыстырғаннан пайда жоқ.

Жұмысымызда да, отбасында да дәл солай:

өзіміздің даусымызды — яғни сөзімізді, қарым-қатынасымызды, мінезімізді — өзгертпесек, орын ауыстырғаннан, кінәлі адам іздегеннен еш нәтиже бермейді.