САНАҚ – 2021: ҰЛТТЫҢ БОЛАШАҒЫ МЕН ЕРТЕҢІН БАҒАМДАЙТЫН НАУҚАН
Ағымдағы жылдың 1 қыркүйегінен бастап елімізде жалпыұлттық халық санағы басталды. Бұл халық санағы еліміз тәуелсіздік алғаннан бері өткізіліп отырған үшінші науқан.
Халық санағы – қоғамның әлеуметтік-демографиялық бейнесін бағалаудың құралы. Халық санағында сол аумақтағы халықтың саны, қүрылымы, әлеуметтік-экономикалық сипаты туралы ақпарат жинақталады. Санақ қорытындылары бойынша халықтың табиғи және миграциялық қозғалысы нақтыланады. Биыл ел тәуелсіздігінің 30 жылдығы қарсаңында өтіп жатқан Ұлттық халық санағының маңызы зор.
Биылғы халық санағының ерекшелігі цифрлық технологияларды қолдануға басымдық берілген. Яғни, биылғы халық санағы пандемия жағдайына байланысты онлайн форматта жүруде. Ал онлайн форматта сауалнамадан өздігінен өтпегендерге сұхбат алушылар келеді. Қазақстанда 1 қазаннан бастап Жалпыұлттық халық санағының аясында үйлерді аралау кезеңі басталып та кеткен. Үйлерді аралау 30 қазанға дейін жалғасады болады. Осы бағыттағы жұмыстарға Жамбыл облысы, Т.Рысқұлов ауданы бойынша 78 интервьюер, 4 нұсқаушы, 11 нұсқаушы-бақылаушы тартылған.
Бұл жайында толыққанды ақпаратты Т.Рысқұлов аудандық Стастистика басқармасы басшысы Бақытжан Пірімқұловтың баяндауынша, бүгінде ауданда халық санағына тіркелген респондент саны 33 399 адамға жеткен. Яғни бұл дегеніміз соңғы есеп бойынша аудан халқын құрайтын 65 280 адамның 51,2% санақтан өткен.
Бүгінде аудан халқын санақтан өтуге аудан жастары да шақырып, «Есіктен есікке» акиясын ұйымдастырып, 1000-ға жуық пайдалы ақпараттар жазылған үнпарақтар таратқан. Сонымен қатар, «Жастар ресурстық орталығы» КММ-нің ұйымдастыруымен ауыл көшелерін және халық көп шоғырланатын орындарда аудан тұрғындарына халық санағының өтудің маңызы жөнінде үндетпе жолдауда.
Бүгін аудандық Статистика басқармасының мамандары Көгершін ауылында тұратын 108 жастағы Шымырбаева Шарманкүл әженің шаңырағына арнайы барап, халық санағынан өткен. Күміс алқа иегері Шарманкүл әжей 7 баласынан 36 немере, 99 шөбере, 35 шөбере көріп отыр.
Сондай-ақ, мамандар Сәлімбай ауылында тұратын 3 қыз және 1 ұлынан 16 немере, 43 шөбере, 16 шөпшек көріп отырған 98 жастағы Ажаркүл Котырованың шаңырағына барып, халық санағына тіркеді.
Ерекше атап өтетін жайт, санақтан өту барысында азамат өзімен бірге отбасы мүшелері үшін де санақ парақшасын толтыра алады. Яғни, sanaq.gov.kz сайтына бір рет қана тіркеліп отбасы мүшелерін қамту мүмкіндігі қарастырылған. Санақ парақтарын толтыру басталған сәтте «Респондентті қосу» нұсқасы ұсынылады. Бірге тұратын туысыңыздың ЖСН-ін енгізген соң жүйе оның толық аты-жөнін автоматты түрде шығарады. Бұл мүмкіндік арқылы санақ парақтарын толтыруға кететін уақытты айтарлықтай үнемдеуге болады. Санақ нәтижелері үй шаруаларының жағдайын, неке-отбасы қатынастарын жақсарту, мүмкіндігі шектеулі адамдардың өмірін, халықтың тұрғын үй жағдайларын жақсарту жөніндегі мемлекеттік бағдарламаларды әзірлеу, сондай-ақ білім беру, жұмыспен қамту, туу және көші-қон мәселелері бойынша шешімдер қабылдау үшін қажет. Бұған аудан халқының астам адам онлайн санақтан өткен.
Тастанбек Мөлдір
Т.Рысқұлов ауданы әкімінің баспасөз хатшысы