«Оқуға құштар мектеп»

«Оқуға құштар мектеп» жобасы аясында 8-9 орыс сынып оқушылармен кезекті іс шарамыз ағылшын жазушысы Льюис Кэрроллдың 190 жылдығына арналды. Оқушыларға жазушының өмірі мен айналысқан сүйікті істері туралы ақпарат берілді. Жазушының әлемге танымал шығармасы «Алиса ғажайыптар әлемінде» шығармасын есімізге түсіріп, теледидардан фильмнің қысқаша сюжетімен таныстырылды. Фильм балалардың қызығушылығын оятып, кітаптан оқу ұсынылды. Бұл 1865 жылы шыққан, Льюис Кэррол деген бүркеншік атпен танымал болған ағылшын математигі, ақыны әрі жазушысы Чарльз Лютвидж Доджсонның жазған ертегісі. Бұл кітапта Алиса атты қыз жайлы баяндалады. Алиса қоян іні арқылы қиял-ғажайып әлемге тап болады. Ертегі бүкіл әлемде «фэнтэзи» жанрындағы атақты кітап болып саналады. «Алиса айнаның арғы бетінде» кітабы «Алиса ғажайыптар елінде» кітабының жалғасы. Жазушының шығармалары көрмеге қойылды. Оқырмандар көрмеден қызықты кітаптарын алды.

Дина Сейтбековна Амирова, «Дарын» лицей- интернаты