Қазақтар жайында картиналар аукционға шығарылмақ

ҚР Мемлекеттік Ә. Қастеев атындағы өнер музейі «BonArt» халықаралық аукцион үйімен бірлесіп 13-28 мамыр аралығында «Бейнелеу және cәндік-қолданбалы өнері» атты аукцион өткізеді. Kazmuseum.kz тілшісінің хабарлауынша, жалпы сатылым 29 мамыр күні өтеді деп жоспарланып отыр.

Көрмеден XIX-XX ғасырдың кескiндеме мектебінің шығармаларымен танысып, оның ішінде ХVIII-XIХ ғ. қазақтардың өмірі, тұрмысы және киімдері бейнеленген нақыштар, және Орта Азия аймағының XVII-XIX ғ.карталарын тамашалауға мүмкіндік бар.

 «BonArt» аукцион үйінің жаңа коллекциясының ең қызықтысы Николай Каразиннің1897 ж. салынған және дәстүрлі қазақ жанұясы балаларымен бейнеленген туындысы болып табылды. Аукционның топ лоттарының бірі – үлкен коллекцияда сирек кездесетін Түркістан сериясынан Степан Колесниковтыңтуындысы (И. Репин және К. Маковскийдің оқушысы). «BonArt» аукцион үйінің 10-шы сауда-саттығынның топ лоттарының ішінде белгілі суретші Рихард Зоммердің қазақстандық коллекия жиюшылар арасында ерекше танымал болған екі еңбегі бар. Екеуі де 1900 жылдары салынған ислам сюжетін көрсетеді. Қазақстан суретшілерінің  кескіндеме туындыларының ішіндегі ерекше назар аударуға лайықты ең дарынды ұсталарының бірі Салихитдин Айтбаевтың «Жайлау» (1993 ж.) атты туындысы да көрменің көрігін келтірмек.

Көрмеге келушілер Әбілхан Қастеев, Молдахмед Кенбаев, Гульфайруз Исмаилова,  Евгений Сидоркин, Жаңатай Шарденов, Айша Галимбаева,  және т.б. дарынды суретшілердің туындыларын да тамашалай алады. 

«ЕлАна»